အာရှသူတွေအသားအရည်အတွက် အာဟာရများ

အလှအပကိုမြတ်နိုး ခုံမင်ကြတဲ့ အမျိုးသမီးထုတွေရဲ့ တူညီတဲ့ ဆန္ဒတွေ အတွက် အသက်အရွယ် အလိုက် အသားအရေ ထိန်းသိမ်းမှုက လိုအပ်တဲ့ နည်းလမ်းတွေ ဖြစ်လို့ နေပါတယ်။ အသက်အရွယ် အိုမင်းလာမှုကြောင့် ဖြစ်ပေါ်လာတဲ့ အသားအရေ ဆိုးကျိုးတွေကို အမြဲလှချင်တဲ့ အမျိုးသမီးတွေ အနေနဲ့ လက်သင့် မခံချင်ပေမယ့် လက်သင့်ခံ နေကြရပါတယ်။ အဲဒီအတွက် ခေတ်မီ နည်းပညာ အကူအညီနဲ့ ချောမွေ့ဝင်းပသော အသားအရေ ရရှိစေဖို့ Anti- aging Skincare တွေကို အသုံးပြု လာကြပါတယ်။ အသုံးပြုလို ကြပါတယ်။ Revlon ရဲ့ သုတေသန ဓာတ်ခွဲခန်းက နေပြီး Asian Skin တွေအတွက် သီးသန့် အနေနဲ့ အရေးအကြောင်းနဲ့ လိုင်းတွန့် များကို ဖယ်ရှားပေးပြီး တင်းရင်းမှုနဲ့ ကြည်လင်မှုကိုပါ ထိရောက်ပေးစွမ်း နိုင်တဲ့ Age Defying With Botafirm Skincare ကို ဂုဏ်ယူ ဖော်ထုတ်လိုက်ပြီ ဖြစ်ပါတယ်။

အာရှပျိုမေတွေ အတွက်ဆိုတဲ့ နေရာမှာ အသက်အရွယ် တစ်ခုတည်း အတွက် မဟုတ်ဘဲ အားလုံးသော မြန်မာအမျိုးသမီးတွေ၊ အသက် အရွယ်အတိုင်း Skincare ကို စိတ်ဝင် စားတဲ့ သူမတွေအတွက် Revlon Product Manager မချိုသက်နွယ်နဲ့ တွေ့ဆုံဖြစ်ခဲ့ပါတယ်။ မချိုသက်နွယ် ကို အာရှသူတွေ အားလုံးရဲ့ ကိုယ်စား မေးဖြစ်ခဲ့တဲ့ မေးခွန်းတွေက Skincare နဲ့ အဓိကသက်ဆိုင်တဲ့ မေးခွန်းတွေပါ။ ပြီးတော့ သူမ ပြော ပြတဲ့ အသက်အရွယ်အလိုက် Skincare ထိန်းသိမ်းမှုတွေက အလုံ အလောက်ဆိုတာထက် တိကျ သေချာရေရာသည့် အချက်တွေပါပဲ။

(၁) အသက်အရွယ်အလိုက် လေ့လာသင့်တဲ့ Skincare

မိမိရဲ့ အသက်အရွယ်အလိုက် မှန်ကန်တဲ့ Skincare ရွေးချယ်သုံး တတ်ဖို့က အထူး အရေးကြီးလှပါ တယ်။ အများစုက မိမိမျက်နှာ ပြဿနာ တစ်စုံတစ်ရာ လက္ခဏာ ပြကာမှ Skincare သုံးဖို့သတိရတတ် ကြပါတယ်။ ကာကွယ်ခြင်းဟာ ကုသခြင်းထက်ပိုပြီး ထိရောက်တာမို့ ဆယ်ကျော်သက် အရွယ်ကစလို့ မှန် ကန်တဲ့ Skincare များကို ရွေးချယ်သုံးဖို့ လိုအပ်ပါတယ်။

အလှကုန် ကုမ္ပဏီကဆိုတော့ ပစ္စည်းရောင်းချလို့ ဖြစ်မှာပဲဆိုပြီး အထင်လွဲ တတ်တဲ့ သူများ ရှိနိုင်ပါတယ်။ တကယ်ကတော့ အမျိုးသား၊ အမျိုးသမီး မည်သူမဆို Skincare သုံးရမှာ ဖြစ်ပါတယ်။ မိမိအသက်က တစ်ရက်ထက် တစ်ရက် ပိုကြီးလာသလိုပဲ ခန္ဓာကိုယ် အတွင်းမှ ဇီဝကမ္မ ဖြစ်စဉ်တွေရဲ့ ပြောင်းလဲမှုကလည်း တစ်ရက်နဲ့ တစ်ရက် ပြောင်းလဲလာပါတယ်။ နှစ်လပေါင်းများစွာSkincare တစ်မျိုး (တံဆိပ် တစ်မျိုးဟု ဆိုလိုခြင်းမဟုတ်ပါ)တည်းက စွဲပြီး သုံးလာရင် Cells တွေက Immune ဖြစ်လေ့ရှိတဲ့ သဘော ရှိပါတယ်။ ဒီတံဆိပ်ကိုမှ ကြိုက်တယ်ဆိုပြီး Brand အစွဲရှိသူဆိုလည်း အဲဒီတံဆိပ်ထဲမှာမှ Skincare ကို အမျိုးမျိုးအပြောင်း အလဲ သုံးပေးရပါမယ်။

အသက်တွေကို အဆင့်လေးတွေခွဲပြီး စဉ်းစားမယ်ဆိုရင်
_ (ဆယ်ကျော်သက်) ၁၀- ၂၀ အတွင်း
_ ၂၀- ၂၉ အတွင်း
_ ၃၀- ၃၉ အတွင်း
_ ၄၀- ၄၉ အတွင်း
_ ၅၀- ၅၉ အတွင်းနဲ့
_ ၆၀- အထက်
ဆိုပြီး သတ်မှတ်စဉ်းစားပြီးSkincare သုံးစွဲပုံ၊ သုံးရမည့် ပစ္စည်းမတူပုံ၊ လိုအပ်ချက်ကွဲပြားပုံကို လေ့လာနိုင် ပါတယ်။

(၂) စိတ်ရဲ့ပြတင်းပေါက်ကို ကြည်လင်နေပါစေ

တူညီတဲ့အချက်တစ်ခုကတော့ ဘယ်အသက်အရွယ်မှာပဲဖြစ်ဖြစ် သုံးတဲ့ အခါ Sun Protection ပါတဲ့ပစ္စည်းကိုရွေးပြီး သုံးသင့်သလို သိပ်ပူတဲ့နေရာ မျိုးသွားမယ် သို့မဟုတ် နွေရာသီကာလဆိုရင်တော့ Sun block Sun Screen ကို သီးသန့် မိတ်ကပ် မလိမ်းခင် အောက်ကနေ Step တစ်ခုအနေနဲ့ လိမ်းကိုလိမ်း ရမှာ ဖြစ်ပါတယ်။

နောက်ထပ်ပြီး သတိပြုရမှာကတော့ Eye Care အတွက်ပဲ ဖြစ်ပါတယ်။ လူအများစုဟာ မျက်နှာအတွက်လိမ်းဖို့ Knowledge ကတော့ အတော်ရှိနေပြီး ဖြစ်ပါတယ်။ သို့ပေမယ့် မျက်လုံး အတွက်ဆို သီးသန့် လိမ်းစရာ မလိုဘူးဆို ပြီး Eye Care ကို ဂရုမမူမိဖူး ဖြစ်ကြပါတယ်။ စိတ်၏ ပြတင်းပေါက် ဖြစ်သော၊ မျက်နှာပြင်၏ အနူးညံ့ဆုံးဖြစ်သော၊ မိမိ ပင်ပန်းပြီ ဆိုတာနဲ့ ချက်ချင်း လက္ခဏာပြသော၊ အိပ်ရေးပျက်တာနဲ့ အိုမင်းသကဲ့သို့ဖြစ်စေသော၊“မျက် ၀န်း”နေရာဟာ အထူးကို အရေးကြီးလှပါတယ်။ မျက်နှာကိုလိမ်းတဲ့ Cream/ Lotion Moisturizer တွေဟာ မျက်ဝန်းတစ်ဝိုက်ကို လုံးဝမလိမ်းရပါဘူး။ အလွန်ပါးလွှာသော အရေပြားနေရာလေးဖြစ်တာမို့ သီးသန့်ဖော်ထုတ်ထားတဲ့ Eye Careကိုသာ လိမ်းရမှာဖြစ်ပါတယ်။ Skin Care ဘယ်တံဆိပ်မဆို Eye Cream, Eye Gelပစ္စည်းလေးရဲ့ အရွယ်အစားဟာ မျက်နှာလိမ်း ပစ္စည်းများထက် သေးငယ်ပါတယ်။ သို့ပေမယ့် ဈေးနှုန်းကတော့ ထိုပစ္စည်းများနဲ့ တန်းတူ သို့မဟုတ် ပို၍ ဈေးများတဲ့ သဘောရှိတာမို့ ၀ယ်ယူဖို့ကို နှမြောတတ် ကြတာကိုလည်း တွေ့မြင်ရပါတယ်။ လိုင်းတွေပေါ်ကာမှ မျက်ကွင်းညိုကာမှ အပြေးအလွှား ရှာဖွေသုံးတာထက် မဖြစ်ခင်ကတည်းက ဆယ်ကျော်သက်တို့ သတိမူသင့်ပါတယ်။ Eye Care ပြုလုပ်ရန် စတင်သင့်တာကတော့ အသက် ၂၀ နှင့် အထက် ဖြစ်ပါတယ်။ Eye Shadow, Mascara များသုံးပြီး လျှင်လည်း Eye Makup Remover နှင့် သေချာစွာ ဖျက်ပစ်ရန်လည်း လိုအပ်ပါတယ်။

(၃)Skincare ဘယ်လိုသုံးရပါ့

Skincare ကို သုံးစွဲတဲ့အခါ တစ်နေ့ကို မျက်နှာ ၂ ခါသစ်၊ သွား ၂ ခါတိုက်သလိုပါပဲ Skincare ဟာလည်း တစ်နေ့ ၂ ခါပြုလုပ်ရမှာ ဖြစ်ပါတယ်။
Skincare ဂရုပြုဖို့ အချိန်တစ်ခုရယ်လို့ သီးသန့်မလိုပါဘူး။ အကျင့်တစ်ခု ဖြစ်ဖို့ဆိုတာ နေ့စဉ် Routine ထဲမှာ ကိုယ်တိုင်ကလည်း ယုံယုံကြည်ကြည်နဲ့ လက်ခံပြီး ပြုလုပ်ပါမှ ကျင့်သားရမှာ ဖြစ်ပါတယ်။ အလုပ်အပိုတစ်ခု လှချင် လို့ လုပ်ရတယ်လို့ အမြင်ရှိနေရင်တော့ ဘယ်တော့မှ အကျင့်ဖြစ်လာမှာ မဟုတ်ပါဘူး။ Skincare စနစ်တကျ ပြုလုပ်တယ်ဆိုတာ ကိုယ့်ကိုယ်ကို ကာကွယ်နေခြင်းသာ ဖြစ်ပါတယ်။ နေ့စဉ် Cleansing+ Toning+ Moisturizing အဆင့် ၃ ဆင့်ကတော့ မဖြစ်မနေ လုပ်ကိုလုပ်ရမှာ ဖြစ်ပါတယ်။


အဲဒီမှာမှ သေချာဂရုပြုပြီး ပြုလုပ်မယ်ဆို Cleansing မှာမှ Milkနှင့် Removerနှင့် သေချာဖြတ်ပြီး၊ Cleanser, Foam တို့နှင့် ဆေး ကြောရမှာ ဖြစ်ပါတယ်။ Toner သုံးပြီးရင် (မျက်ဝန်းတစ်ဝိုက်မပါ) ပြီးရင် Eye Care လုပ် ရပါမယ်။ Moisturizing အဆင့်ဆိုလည်း Essence, Booster တို့ကို အရင်လိမ်းပြီးမှ သင့် တော်ရာ နေ့၊ ည Moisturizerတို့ကို သုံးရမှာ ဖြစ်ပါတယ်။

အလျဉ်းသင့်လို့ ညကိုလိမ်းရတဲ့။ Night Cream Lotionနဲ့ပတ်သက်ပြီး ရှင်းလိုပါတယ်။ အများစုဟာ နေ့နဲ့ ညလိမ်းရတဲ့ Mosturizer မတူတာကို သိပ်လက်မခံလိုတဲ့ သဘော ရှိပါတယ်။ ရှင်းပြရမယ်ဆို လူတိုင်းဟာ အိပ်စက် အနားယူချိန်ရောက်တဲ့ အခါမှ မျက်နှာပြင်အတွင်း ရှိ Cell တွေဟာ အလုပ်ပိုလုပ်ကြပါတယ်။ ဒါကြောင့် Beauty Sleep 8 hrs ရှိရမယ်လို့ ပြောကြတာ ဖြစ်ပါတယ်။ မနက် မိုးလင်းလာတဲ့အခါ လူတိုင်း မျက်နှာပြင်နဲ့ နှာခေါင်း တစ်ဝိုက်မှာ အဆီလေးတွေ ဝေ့နေလေ့ရှိပါတယ်။ ဒါဟာ ညအချိန်မှာ Cells တွေ အလုပ်လုပ်ထားလို့ပါပဲ။ ဒါကြောင့် ညအိပ်ရာမ၀င်ခင် မျက်နှာကို ဆေး ကြောသန့်စင်ခြင်းအဆင့်ဟာ အားလုံးထဲမှာ အရေးအကြီးဆုံးပါပဲ။ ညစ်ပေသော မျက်နှာနဲ့ အိပ်ရာဝင်ပြီး နေတတ်သူနဲ့ သန့်စင်ဆေးကြောပြီး သီးသန့် Night Cream သုံးပြီး အိပ်ရာဝင်တတ် သူတို့ရဲ့ အသားအရေဟာ မနက်နိုးရင် ကွာပါ တယ်။ ညသုံး Skincare တွေဟာ ဓာတ်သတ္တိ ပါဝင်မှုအစွမ်းဟာ နေ့စဉ် Skincare တွေထက် အနည်းငယ်ပိုများပါတယ်။

(၄) ဒါကလည်း လိုအပ်တယ်

မျက်နှာပြင်နှင့် နှာခေါင်းတစ်ဝိုက် မေးစေ့ အောက်နေရာတို့ကို Scrub ဖြင့် ဆားဝက်ခြံများ၊ ညစ်ပတ်ခြင်းများ ကင်းဝေးစေရန် တစ်ပတ် ၂ ခါ သုံးရမှာ ဖြစ်ပါတယ်။ Scrub သုံးပြီးတိုင်း ချွေးပေါက်တွေကို သမမျှတစေဖို့ Toning Lotion/ Toner သုံးရမှာ ဖြစ်ပါတယ်။
Mask တင်ပေးခြင်းဟာလည်း မျက်နှာပြင် ကို အာဟာရအေးပေးခြင်း တစ်မျိုးပဲ ဖြစ်တာမို့ မိမိအရေပြားပျက်စီးမှုများ ကြုံတွေ့နေရတာ သိသာတဲ့အခါမျိုး သို့မဟုတ် တစ်ပတ် ၁ ခါ အိမ်မှာ သုံးလို့ရတဲ့    Mask များကို သုံးသင့်ပါတယ်။

(၅)Skincare နဲ့ ပြင်ပလောက အထောက်အကူ

Beauty Saloon တွေမှာ Facial ပြုလုပ်ခြင်းဟာ တကယ်ကောင်းမွန်တဲ့ ကိစ္စဖြစ်ပါတယ်။ (သုံးတဲ့ပစ္စည်းမှန်ကန်ဖို့နဲ့ သန့်ရှင်းမှုကတော့ လိုတာပေါ့ လေ) မျက်နှာပြင်အား Facial လုပ်တဲ့အခါ Message ပြုလုပ်ခြင်းဟာ သွေးလှည့်ပတ်မှု မှန်ကန်စေပြီး cell များကို နိုးကြားစေတာမို့ Facial ပြုလုပ် ခြင်းဟာ အကျိုးရှိပါတယ်။

အသက်အရွယ်အရ ပြောင်းလဲသုံးရတဲ့ Skincare ရှိသလို၊ ရာသီဥတုအရ ပြောင်းလဲသုံးရတဲ့ Skincare လည်း ရှိပါတယ်။ မိမိနဲ့ တည့်တယ်လို့ ယုံကြည်ပြီး ရာသီမရွေး၊ အသက်အရွယ် ဘယ်လောက် ပြောင်းပြောင်း တစ်သတ်မတ်တည်း တစ်မျိုးတည်း မသုံးရပါဘူး။ ၀က်ခြံတွေ၊ ပျက်စီးမှုတွေပြမှ မတည့်ဘူး ထင်တယ်လို့ တွေးရမှာ မဟုတ်ပါဘူး။ ပြဿနာတွေ မပြသလို ထူးခြားမှုလည်း သိပ်မတွေ့ရဘူး ဆိုတာ မိမိဘာသာ အသိဆုံး ဖြစ်ပါတယ်။ ဒါကြောင့် နားလည်တဲ့ သူတွေနဲ့ တိုင်ပင်ပြီးမှ အပြောင်းအလဲ လုပ်ပြီး သုံးပါလို့ အကြံပြု လိုပါတယ်။

(၆) သင့်တော်ရာ ရွေးချယ်ပါ

Revlon ရဲ့Skincare တွေကို ရှင်းပြမယ်ဆိုရင်တော့ အသားအရေ ကြည်လင်စေတဲ့ Absoulte Vitamin C, အသားဖြူဝင်းစေတဲ့ Absoulte White+ နဲ့ အသားအရောင်ညီစေပြီး တင်းရင်းစေတဲ့ Age Defying ဆိုပြီး Series တွေ ရှိပါတယ်။ အသားဖြူဝင်း စေခြင်းထက် ပိုပြီး သာလွန်တဲ့ အစွမ်းတွေကို ပိုင်ဆိုင်တဲ့ Absoulte White + က အသားဖြူဝင်း စေရန်၊ အသားအရေ တင်းရင်း စေရန်၊ ရေဓာတ် ရရှိစေရန် ဆိုတဲ့ ဓာတ်သတ္တိတွေ ပါဝင်ပြီး Side Effect ကင်းစွာ ကြာရှည် သုံးနိုင်ပြီး ပြဒါးပါဝင်မှု မရှိတဲ့အတွက် ခဏတာ မျက်နှာဖြူသွားတဲ့ ပစ္စည်းမျိုး မဟုတ်ပါဘူး။

နည်းပညာသစ် Absoulte C ကတော့ မျက်နှာပြင်ညစ်နွမ်း၍ အမည်း စက်ရှိတဲ့ Dull Looking Skin, ပင်ပန်းနွမ်းနယ်ပြီး ရေဓာတ်နည်းပါးတဲ့Tried Looking Skin များအတွက်ပါ။ ကျန်းမာကြည်လင်တဲ့ အသားအရေ ရရှိဖို့ တစ်နေ့ကို ၈ နာရီ အိပ်သင့်တယ်လို့ ဆိုတယ်။ သူ့ရဲ့ ထူးခြားချက်က တစ်နေ့ ၈ နာရီအိပ်ရေးဝ သကဲ့သို့ ကြည်လင်တဲ့ အသားအရေ ရရှိစေတယ်တဲ့။ Age Defying With Botafirm Sculpi-Logic က Revalon ရဲ့ မူပိုင် နည်းပညာသစ်ပါ။ လိုင်းတွန့်တွေကို လျှော့ချနိုင်တဲ့ Botafirm, တင်းရင်းမှုပေးနိုင်တဲ့ Matrixyl-3000၊ ကြည်လင် တောက်ပမှုပေးနိုင်တဲ့ BHAဆိုတဲ့ အာနိသင် ၃ မျိုးပေါင်းစပ်ဖွဲ့စည်းထားပြီး အသားအရေရဲ့ လိုအပ်ချက်ကို တိကျမှန် ကန်စွာ ပုံဖော်ပေးနိုင်တဲ့ အစွမ်းသတ္တိ ရှိပါတယ်။ အခုဖော်ပြလိုက်တဲ့Skin Care သုံးမျိုးစလုံးက အာရှအသားအရေတွေ အတွက် သီးသန့် Skin Care တွေလို့ ဆိုတာကြောင့် အာရှ ပျိုမေတွေရဲ့ အသား အရေ ပြင်ဆင် ကာကွယ်မှု အတွက် လုံလောက်ပြီလို့ ထင်ပါတယ်။

သင်းပပ